د پژواک بنسټ او د خبریالانو د ملاتړ سازمان له خوا، د استاد عبدالرحمن پژواک د وفات د ۳۰مې کلیزې په مناسبت یوه علمي ویبنار غونډه جوړه شوې وه، چې په کې ګڼو مخکښو څېرو او پوهانو ګډون کړی و.
د غونډې ویناوالو د استاد پژواک پر ملي روحیه، د افغانستان په رسنیز تاریخ کې د هغه پر رول، ځوانانو ته د هغه پر پیغامونو، د پښتونستان موضوع ته په خپلو اثارو کې د استاد لیدلوري او پر نړیوال نظر رول خپلې عملي مقالې ولوستي او ویناوې یې وکړي.
استاد عبدالرحمن پژواک د ۱۲۹۸ لمریز کال د کب په ۱۶مه زېږېدلی او د ۱۳۷۴ لمریز کال د غبرګولي میاشتې په ۱۸مه له دې نړۍ سترګې پټې کړې دي.
د غونډې بشپړ ویډیو د وصال ټلوېزیون پر یوټیوب چینل کتلای شئ!
Views: 44