د راپورونو له مخې، نن د فیلیپین په جنوب کې د رېښتر په کچه له ۷.۴ درجې زلزلې وروسته د سونامي خبرداری ورکړل شوی دی.
رویټرز خبري اژانس راپور ورکړی چې دغه زلزله د مانا ښار ته نږدې د ۱۰ کیلومتره په ژوروالي شوې او د بیا ټکانونو او زیانونو احتمال هم شتون لري.
په راپور کې راغلي چې د فیلیپین د زلزله پېژندنې ادارې په ساحلي سیمو کې له خلکو غوښتي چې لوړو سیمو ته ولاړ شي.
تر اوسه د مرګژوبلې یا مالي زیانونو په اړه څه نه دي ویل شوي.
د راپور پر بنسټ، په وروستیو کلونو کې دا په فیلیپین کې تر ټولو زوروره زلرله وه.
Views: 1
