د راپورونو له مخې، فلسطیني چارواکو په دغه هېواد کې د الجزیرې ټلوېزیون پر فعالیت د لنډ وخت لپاره بندیز لګولی دی.
رویټرز راپور ورکړی چې یاده پرېکړه پرون (چهارشنبه) د فلسطین د اړیکو، کورنیو چارو او فرهنګ وزارتونو له لوري په ګډه نیول شوې ده.
د راپور له مخې، پرېکړه د دغه ټلوېزیون د «پاروونکو مطالبو» خپرولو له امله شوې؛ ځکه چې یادې شبکې داسې مطالب خپرول چې «خلکو ته یې دوکه ورکوله او شخړې یې رامنځته کولې.»
د بندېدو په امر کې راغلي چې دا پرېکړه لنډمهاله ده خو د بندیز د ختم نېټه یې نه ده څرګنده شوې.
د الجزیرې ټلوېزیون هم د یوه راپور په خپرولو یاده موضوع تایید کړې خو تر اوسه یې په اړه کومه بیانیه نه ده خپره کړې
Views: 8