د راپورونو له مخې، د غزې په بېلابېلو سیمو د اسرائیلو هوايي بریدونو کې ۳۵ فلسطینیانو ژوند له لاسه ورکړی دی.
د فلسطین دولتي خبري اژانس (وفا) د غزې د سمیهییزو سرچينو له قوله راپور ورکړی چې د غزې تړانګې اړوند د الجلا کوڅې پر یوه استوګنیز کور د بمبارۍ په پایله کې د ښځو او ماشومانو په ګډون اوو فلسطینیانو ژوند له لاسه ورکړی دی.
سرچينه لیکي، ۱۵ نورو کسانو د غزې تړانګې په مرکز کې پر هغه کور بمبارۍ کې ژوند بایللی چې بېځایه شوو فلسطینیانو ورته پناه ور وړې وه.
په راپور کې راغلي، د غزنې تړانګې په سوېل کې د رفح ښار په لوېدیځه برخه کې پر هغو کسانو د بمبارۍ پایله کې ۱۳ فلسطینیانو وژل شوي او یو شمېر نور ټپيان دي چې د مرستو ترلاسه کولو په موخه راټول شوي وو.
د راپورونو له مخې، په تېر څه باندې یو کال کې په غزه کې د اسرائیلو په بریدونو کې ۴۴۸۳۵ فلسطینیانو ژوند له لاسه ورکړی او ۱۰۶۳۵۶ نور ټپيان شوي دي.
Views: 17
