نن د افغانستان کرکټ ملي لوبډله له متحده عربي اماراتو سره دویمه شلاووریزه لوبه او د ۱۹ کلنو لوبډله بیا له سوېلي افریقا سره یوه ورځنۍ لوبه کوي.
د افغانستان او متحده عربي اماراتو ترمنځ د درېیو شل اووریزو نړۍوالې لوبلړۍ دویمه شلاوویزه لوبه نن ترسره کېږي.
دا لوبه به نن د افغانستان پر وخت له ماښام وروسته شپږ نیمې بجې پیل شي.
افغانستان په لومړۍ لوبه کې اماراتو ته ستره ماته ورکړې وه.
د یو بل خبر له مخې، په سوېلي افریقا کې د ۱۹ کلنو لوبډلو ترمنځ د درې اړخیزو یو ورځنیو سیالیو دویمه لوبه نن د افغانستان او سوېلي افریقا ترمنځ ترسره کېږي؛ دا لوبه د افغانستان پر وخت د غرمې دوولس نیمې بجې پیلېږي.
د دې لوبلړۍ لومړۍ لوبه کې هند افغانستان ته ماتې ورکړې وه.
Views: 10