د پاکستان د پارلمان له منحل کېدو دوه ورځې وروسته رسنیو د دغه هېواد د موقت لومړي وزیر په توګه د انورالحق کاکړ د معرفي کېدو خبر ورکړی دی.
لومړي وزیر شهباز شریف او د پاکستان د حکومت د مخالفې ډلې مشر راجا ریاض نن (شنبه) له یوې ځانګړې ناستې وروسته د انورحق کاکړ د ټاکنې په تړاو موافقه وکړه.
انورالحق کاکړ د پاکستان په مشرانو جرګه کې د بلوچستان عوامي ګوند استازی دی او په خبریالۍ برخه کې یې کار کړی. ټاکل شوې نوموړی ډېر ژر د پاکستان لومړي وزیر په توګه لوړه وکړي.
د یادونې ده، دوه ورځې وړاندې د پاکستان ولسمشر عارف علوي د دغه هېواد پارلمان منحل کړ.
د پاکستان د قانون پر بنسټ، نوې ټاکنې باید د پارلمان له منحلېدو وروسته په ۹۰ ورځو کې وشي.
Views: 25