ایراني رسنیو خبر ورکړی چې په تهران کې یوې قهوهخانې کې د ګازنیونې له امله ۶ افغانان مړه شوي دي.
دغه پېښه د دوشنبې په ورځ سهار د تهران د قرچک ښار په یوه سنتي قهوهخانه کې رامنځته شوې ده.
تسنیم خبري اژانس د تهران د روغتیایي مسوولینو له قوله لیکلي چې په یاده پېښه کې د دوو ښځو په ګډون شپږ افغانان مړه شوي دي.
په راپور کې راغلي چې د یوه مړه شوي کس دوه خپلوان د دې پېښې د شوک له امله روغتون ته لېږدول شوي دي.
مسوولینو ویلي چې د یادې پېښې په تړاو څېړنې روانې دي.
د قرچک ښار د ۲۷۰ زره نفوس په لرلو سره د تهران د سویل ختیځ په ۳۰ کیلومترۍ کې موقعیت لري.
تر اوسه د ایران او افغانستان حکومتونو په دې اړه څه نه دي ویلي.
Views: 4