په متحده عرب اماراتو کې افغانانو څه باندې ۲۰ میلیارده ډالره پانګونه کړې ده. د دغې پانګې یوه لویه برخه اوس د افغانستان په لور د پانګونې لیوالتیا ښيي. د میرویس عزیزي په څېر یو شمېر نور افغان پانګوال هم غواړي په خپل هېواد کې سرمایهګذاري وکړي، خو د نجونو د زده کړو بندښت یې یوه ستر خنډ ګڼل کېږي؛ هغه ستونزه چې د اماراتو او نورو هېوادونو په کاري او سوداګریزو چارو بوخت ډېری افغان پانګوال یې له پانګونې راګرځولي دي.
پوښتنه دا ده چې د افغان شتمنو لپاره متحده عرب امارات کومې داسې اسانتیاوې برابروي چې په افغانستان کې یې نشتوالی محسوسېږي؟ د اماراتو او افغانستان ترمنځ اوسني سوداګریزې اړیکې په کومه کچه ولاړې دي؟ او افغانستان څنګه کولای شي له دغه مهم نړیوال سوداګریز مرکز څخه ګټه واخلي؟
پر همدې موضوعاتو مو په متحده عرب اماراتو کې د افغان سوداګرو د شورا له رئیس حاجي عبیدالله صدرخېل سره ځانګړې مرکه کړې ده چې ستاسو پام ورته رااړوو.
Views: 10
