اوټاوا کې د کثافاتو مدیریت؛ د نوو افغان کډوالو لپاره د کثافاتو په اړه ویډیويي لارښود

نوي افغان کډوال چې د یوې نوې او خوندي راتلونکې په لټه اوټاوا ته راځي، د دغه ښار له کلتور او چاپېریال سره د بلدتیا ترڅنګ د کثافاتو د مدیریت له سیسټم سره هم باید ځان بلد کړي.

دغه ویډیويي لارښود په ځانګړې توګه د نوو افغان کډوالو لپاره چمتو شوی او د اوټاوا ښار د کثافاتو مدیریت اساسي اصول په ساده او روښانه ډول په کې بیان شوي دي، دغه لارښود به تاسو وپوهوي چې د کثافاتو سطلونه ولې په تور، شین او نیلي رنګونو کې اېښودل شوي او اهمیت یې څه دی، سربېره پر دې، د ‘اوټاوا راټولولو تقویم’ اپلېکېشن کارولو طریقه به هم زده کړئ چې د کثافاتو راټولولو مهال‌وېش تعقیبولو لپاره یوه خورا اسانه او ګټوره وسیله ده.

په اوتاوا کې د کثافاتو مدیریت په اړه د تر ټولو تازه معلومات ترلاسه کولو لپاره د اوتاوا ښار ویب‌سایټ (www.ottawa.ca) ته مراجعه وکړئ. دغه‌راز، په سم ډول د کثافاتو د له منځه وړو د څرنګوالي په اړه د اوتاوا ښار ویب‌سایټ کې «Waste Explorer» پاڼې ته سر ور ښکاره کړئ.

https://ottawa.ca/en/garbage-and-recycling/waste

په اوټاوا ښار کې د کثافاتو ټولولو پر مهالوېش پوهېدل مهم دي؛ د دې لپاره د ‘اوټاوا د کثافاتو راټولولو تقویم’ OttawaCollection Calendar اپلېکېشن کارول اسانه او اغېزناکه لار ده؛ په دغه اپلېکېشن کې په هغه کوڅه او ځای کې چې تاسې اوسئ، د خپل پوستل کوډ په کارولو د کثافاتو ټولولو مهالوېش او تور، نیلي او شين سطل ورځو په اړه معلومات ترلاسه کولای شي.

ډېری خلک هره اونۍ تور، نیلي او شين ټول سطلونه د خپل کور مخې ته راوباسي خو د ښاروالۍ مامورین یوازې د هغو سطلونو توکي وړي چې په مهالوېش کې یې شامل وي؛ د نورو سطلونو توکي په ساعتونو د کورونو مخې ته پراته وي چې د بادونو، باران او د حیواناتو د خولې وهنې له امله د کوڅو چټلېدو لامل کېږي.

پلې‌ سټور یا ګوګل ته ولاړ شئ او ‘اوټاوا راټولولو تقویم’ OttawaCollection Calendar ولټوئ.

اپلېکېشن ډاونلوډ او نصب کړئ.

اپلېکېشن پرانیزئ او د خپل کور ادرس داخل کړئ، څو د کثافاتو ټولېدو ورځو مهالوېش ومومئ.

#اوټاوا

#د_کثافاتو_مدیریت

#کډوال

#چاپېریال

#ښار

#کثافات

#تور

نیلي#

#شین

#سطلونه

#ښاروالۍ

#زباله_ها #اوتاوا #مهاجرین #شهر #کانادا #صفایی #محیط #سطل‌های_زباله #سطل_سیاه #سطل_آبی #سطل_سبز #درو_چمن #زباله_معمولی #پارک #محصولات_صحی #شهرـاتاوا #تقسم‌ـاوقاتـجمع‌آوریـزباله_ها #کثافات #Ottawa_Collection_Calendar #Regular_garbage #City_of_Ottawa #CEPGP #Ottawa #Community #Environmental #Waste #reduction #Afghan #newcomers #Garbage #Recycling #Collection

اوټاوا کې د کثافاتو مدیریت؛ د نوو افغان کډوالو لپاره د کثافاتو په اړه ویډیويي لارښود

اوټاوا د کاناډا پلازمېنه دی؛ د شنو پارکونو، ښکلو او تاریخي ځایونو په درلودو سره د لوړې کچې ژوند لپاره مشهور ښار دی؛ د دغه ښار ښکلا او پاکوالی د هغه د ټولو اوسېدونکو د ګډو هڅو پایله ده او د کثافاتو مدیریت په کې د ښار په ښکلا او پاکوالي کې مرکزي رول لوبوي.

لومړۍ برخه: اوتاوا کې د کثافاتو د مدیریت اساسي اصول

کثافات څه ډول تفکیک کړو؟

اتاوا کې بیا کارېدونکي کثافات د توکو د ډول له مخې تفکیک کېږي، دې کار له لپاره له درې رنګه سطلونو څخه کار اخیستل کېږي چې هر یو یې ځانګړو کثافاتو لپاره کارول کېږي. کثافات په تور، شین او نیلي پلاستيکي سطلونو کې له کورونو او تجارتي سیمو کثافات راټولېږي؛ پر دې پوهېدل چې په هر سطل کې څه اچول کېږي چې د ښار پاک ساتلو او له کثافاتو د ګټي اخیستني او د له منځه وړو لپاره خورا اړین دي.

تور سطل:

اوتاوا ښار کې تور سطل بیا کارېدونکو توکو لکه د مقوا او کاغذ ډولونو لپاره کارول کېږي. دغه سطل بیا استعمالېدونکو توکو ته ځانګړی شوی دی او له نورو توکو څخه د دې توکو تفکیکول بیا استعمالېدونکې پروسې سره مرسته کوي. له یاد سیستم څخه د ډېرې ګټې اخیستنې په موخه باید پاملرنه وشي چې کاغذي او مقوایي توکي ښه پاک وي څو په اسانه توګه بیا وکارول او د تولید وړ شي.

په تور سطل کې باید لاندې توکي واچول شي:

ورځپاڼې او تبلیغات
مجلې او کاتالوګونه
د بوټانو کارتن
کاغذ او کاغذي کتابچې
د چرګانو هګیو جابې، د تشناب کاغذ رولونه
د مبارکۍ کارتونه
د پیتزا پاک کارتنونه

نیلي سطل:

اوتا ښار کې نیلي سطل د بیا کارېدو وړ توکو، لکه پلاستیک، اوسپنې او ښیښو ته ځانګړی شوی دی. له دغه سطل څخه د ښې ګټې اخیستنې لپاره باید بیا کارېدونکي توکي په سمه توګه او د شرایطو په رعایتولو سره په سطل کې واچول شي. په یاد ولرئ کومې ښیښې یا بېټرۍ چې په دې سطل کې اچوئ، په بشپړه توګه خالي وي څو په سمه توګه بیا وکارول شي.

په نیلي سطل کې باید لاندې توکي واچول شي:

تش ښیښه‌یې بوتلونه او بېټرۍ
د اوسپنې تش قطي
د مشروباتو یا څښاک خالي قطي
المونیمي لوښي
المونیمي فویل
د رنګ سرخلاصي خالي قطي
د سپرې خالي قطي (لکه د ویښتو، رنګ او نور)
د خوراکي توکو کلک پلاستیکي لوښي چې پورته له ۱ تر ۷ ذکر شوي
د مستو یو ځل کارېدونکو لوښي
د هګیو کاغذي جابې
د خوراکي توکو پارسلي لوښي
ګلدانونه

شین سطل:

اوتاوا کې شین سطل د تجزیې وړ توکو او خوړو پاتې شونو لپاره جوړ شوي دي، دغه سطل هغو توکو ته ځانګړی شوی چې په اسانۍ د تجزیې وړ دي، لکه د خوړو او وښو پاتې شونې.

په شین سطل کې د یادو کثافاتو اچول د کثافاتو په مدیریت کې مرسته کوي؛ ځکه چې دغه توکي په اسانه تجزیه کېږي چې د خاورې په بهبود او د بوټو په وده کې مرسته کوي. له یادو توکو ترلاسه شوی کمپوست د طبیعي کود په توګه په بڼونو او کرنیزو ځمکو کې کارول کېږي چې نه یوازې د کثافاتو خښولو په مرکزونو کې د کثافاتو کمېدو لامل کېږي، بلکې د چاپېریال ساتنې او د خاورې د کیفیت لوړېدو برخه کې هم مرسته کوي.

په شین سطل کې باید لاندې توکي واچول شي:

د خوړو پاتې شوني او خراب خواړه (لکه غوښه، هډوکي، د چرګانو هګیو پټوکي) د باربیکیو ایره
د سپي مدفوع چې په مهر شوو کڅوړو کې وي
د برقي جارو کڅوړې او نور محتویات یې
په خاورو ککړ کورني بوټي
د مایکروویو د جوارو کڅوړې
د قهوې کاغذي ګیلاسونه
په خوړو ککړ کارتنونه او کاغذونه
ککړ کاغذي دسمالونه

د شین سطل په سمه توګه ساتلو لپاره باید هغه په منظم ډول ومینځئ؛ په ژمي کې په سطل کې د توکو یخ وهلو مخنیوي لپاره کولای شئ هغه د اشپزي په غوړیو سپرې کړئ، شین سطل له حیواناتو او حشرو ساتلو لپاره باید هغه له کټارو لرې کېږدئ، سر یې قلف کړئ او تر ټولېدو پورې یې په امن ځای کې کېږدئ.

د چمن رېبل:

د کور د مخې چمن ښه ساتلو لپاره باید هغه پر وخت ورېبئ.

د ونو څانګې، پاڼې، بوټي او بې‌کاره بوټي په شین سطل کې اچولی شئ. که په شین سطل کې کافي ځای نه و، په جلا کڅوړو کې یې کېږدئ، په یاد ولرئ، د دې لپاره له هغو کڅوړو ګټه واخلئ چې د کمپوست وړ وي او په ښکاره توګه پاڼو او نورو شیانو لپاره په نښه شوې وي. څانګې باید د ۱۲۰ سانتي مترو په اوږودوالي او ۶۰ سانتي مترو په پلنوالي وتړل شي او قطر یې باید له ۱۰ سانتي مترو کم وي. د هرې کڅوړې وزن باید له ۱۵ کیلوګرامه ډېر نه وي، دغه کڅوړې په ځانګړو ورځو کې ستاسو د کورونو له مخې ټولېږي.

یاد ولرئ چې د ۲۰۲۶ کال د مارچ له ۳۰مې د ونو پاڼې او نور حیاتي پاتې‌شوني یا کثافات باید په شنه سطل کې وانه چوئ؛ هغه په ځانګړو کاغذي کڅوړو کې چې د همدغو کثافاتو لپاره جوړې او په نښه شوې، واچوئ.

په اوتاوا کې د کثافاتو مدیریت په اړه د تر ټولو تازه معلومات ترلاسه کولو لپاره د اوتاوا ښار ویب‌سایټ www.ottawa.ca) ته مراجعه وکړئ. دغه‌راز، په سم ډول د کثافاتو د له منځه وړو د څرنګوالي په اړه د اوتاوا ښار ویب‌سایټ کې «Waste Explorer» پاڼې ته سر ور ښکاره کړئ.

https://ottawa.ca/en/garbage-and-recycling/waste

تور، نیلي او شنه سطلونه د بیا استعمال وړ توکو لپاره دي، له معمولي یا بیا نه کارېدونکو کثافاتو سره څه وکړو؟

په اتاوا کې معمولي کثافات (regular garbage) هغو توکو ته ویل کېږي چې د بیا کارېدو یا کمپوست کېدو وړ نه وي؛ په دې ډله کې بیا نه کارېدونکي پلاستیکونه، ځانګړې کڅوړې او د کور هغه وسایل چې نور د جوړېدو وړ نه دي، شامل دي.

په ساده ژبه، هر هغه څه چې د بیا کارېدو وړ نه وي او په شین، نیلي او تور سطلونو کې د اچولو نه وي، د «معمولي کثافاتو» په نوم یادېږي او باید په بېلې کڅوړې یا سطل کې کېښودل شي. دې توکو کې پمپرونو او روغتیایي محصولاتو ته اشاره کولای شو چې باید د عمومي کثافاتو په سطل کې واچول شي.

دا چې اوتاوا ښار د کثافاتو خښولو ځای (لندفیل) په چټکۍ ډکېږي، هڅه کوي چې کثافات په منظمه توګه مدیریت کړي؛ له نیمو څخه ډېر کثافات چې اوس مهال لندفیل ته انتقالېږي، باید په شنو، نیلي او تورو سطلونو کې واچول شي.

د ۲۰۲۴ کال د سپټمبر په ۳۰مه اوتاوا ښار د کثافاتو ټولولو محدودیت په ورځ کې درې ایټمونو ته راټیټ کړ. دغه اقدام د هغو نا اړینو کثافاتو کمېدو کې مرسته کوي چې د کثافاتو خښولو ځای ته انتقالېږي. هغه کثافات چې د خښېدو ځای ته انتقالېږي، له نیمایي ډېر یې باید په شین، نیلي او تور سطلونو کې د بیا کارېدو لپاره واچول شي.

دا په دې معنا ده چې د کثافاتو ټولېدو په ورځ هره کورنۍ کولای شي چې د کثافاتو تورو، نیلي او شنو سطلونو ترڅنګ درې د کثافاتو نورې کڅوړې یا ایټمونه له سړک سره نږدې کېږدي. په دې درېیو ایټمونو کې د کثافاتو کڅوړه، ۱۴۰ لېتره ظرف یا درانه ایټمونه لکه د کور سامانونه شاملېدای شي.

(ویډیو: د کارپوه لارښوونې: په دې برخه کې به یو کارپوه د کثافاتو د جلاوالي پر اهمیت خبرې وکړي. ویډیو باید په ساده او روښانه ډول ثبت شي او د عملي بېلګو په کارولو سره د کثافاتو تور، نیلي او شین سطلونه معرفي او هدف یې توضیح شي.)

دویمه برخه: د کثافاتو ټولولو مهالوېش

پلې‌ سټور یا ګوګل ته ولاړ شئ او ‘اوټاوا راټولولو تقویم’ OttawaCollection Calendar ولټوئ.

اپلېکېشن ډاونلوډ او نصب کړئ.

اپلېکېشن پرانیزئ او د خپل کور ادرس داخل کړئ، څو د کثافاتو ټولېدو ورځو مهالوېش ومومئ.

بیا کارېدونکي کثافات بېلابېلو اونیو کې راټولېږي (د کثافاتو تور سطلونه یوه اونۍ، شنه بله اونۍ او نیلي بله اونۍ). شنه سطلونه او د کور د ونو پاڼې او نور پاتې‌شوني هره اونۍ ټولېږي او دغه‌ راز، عمومي کثافات یا regular garbage په دوو اونیو کې یو خل ټولېږي.

کثافات باید د راټولېدو له ورځې یوه ورځ مخکې د مازدیګر ۶ بجې یا حداکثر در ټولېدو ورځې په سهار ۷ بجې له سړک سره نږدې کېږدئ خو په پلیو لارو، د سړک پر سر یا واورو باندې یې مه ږدئ.

ویډیو: د افغان کډوال نظر: یو افغان کډوال چې په اوټاوا کې ژوند کوي، د کثافاتو ټولولو مهالوېش په اړه خپلې تجربې شریکوي. په ویډیو کې باید هغه تشریح کړي چې څنګه ‘اوټاوا راټولولو تقویم’ اپلېکېشن له دوی سره د کثافاتو په تنظیم لرې کولو کې مرسته کړې ده.

درېیمه برخه:

(د کورنۍ بېلګه: په دې برخه کې یوه لنډه ډرامه وړاندې کېږي چې یوه افغان کورنۍ په کې ښودل کېږي چې د خپل کور کثافات بېلوي او اړوندو سطلونو کې یې اچوي. دغه ډرامه باید په ساده او مفهومي ډول وړاندې شي، څو نوو کډوالو ته د کثافاتو جلا کولو پروسه روښانه شي.)

(ویډیو: یو کس څه ډول خپل بې‌کاره وسایل پلاستیک کې اچوي او د کور مخې ته یې ږدي.)

څلورمه برخه: کثافات لېږدوونکو موټرو ته مزاحمت نه رامنځته کول

د ښاروالۍ د کثاقاتو موټر چې د تور، نیلي او شین سطلونو د توکو ټولولو لپاره په ټاکل شوو وختونو ستاسو کوڅي ته درځي‌، هڅه وکړئ د کثافاتو مخې ته خپل موټر پارک نه کړئ څو د ښاروالۍ د موټرو مخه د کثافاتو ټولولو پر مهال خلاصه وي، د ښارواکۍ کارکوونکی په سطلونو توکي په چټکۍ موټر ته اچوي، که چېرې په دغه وخت کې په کوڅه کې په تیزۍ سره داخلېږئ، ښايي د هغه د ټپي کېدو لامل شي. کوښښ وکړئ د ښاروالۍ موټرو ته لومړیتوب ورکړئ چې ژر تر ژره خپل توکي ټول او خپله دنده چې د ښار پاک ساتل دي، پر وخت اجرا کړي.

ویډيو: هغه صحنې په ویډيو کې را اخیستل کېږي چې د ښاروالۍ موټر کثافات راټولوي، د ښاروالۍ له یوه کارکوونکي سره مرکه چې د خپلو ورځني فعالیتونو په اړه خبرې وکړي او پر وړاندې یې چې څوک ستونزې ایجادوي، هغه بیان کړي.

پنځمه برخه: د کثافاتو مدیریت د پوهاوي برخه کې د مدني بنسټونو هڅې:

هغه افغانان چې په پخوا راغلي، له نوو افغانانو سره مرسته کوي چې د کثافاتو مدیریت په اړه په خپله ژبه پوهاوی ترلاسه کړي او نوو افغانانو ته په غونډو او ناستو کې په دې اړه پوهاوی ورکوي.

ویډیو: په دې ویډیو کې یو افغان نورو افغانانو ته د کثافاتو د سم مدیریت لارښودونه کوي او په عملي ډول د رول پلې په شکل کثافات جلا کوي.

دوی افغانان هڅوي چې د ښار په پاک ساتلو کې خپلو مسوولیتونو ته متوجه و اوسي او د خپل هېواد د سفیر په توګه د خپل فرهنګ سمه استازولي وکړي.

د حاجي عبدالوکیل لونک ځاځي خبرې

پای:

«د دې ساده مرحلو په تعقیب، موږ ټول کولای شو د یوه پارک او تلپاتې اوټاوا لپاره مرسته وکړو؛ هره کوچنۍ کړنه مهمه ده، د خپلو کثافاتو په سم مدیریت سره تاسو د ککړتیا په مخنیوي، د منابعو ساتنې او د اوټاوا ښار د ښکلا ډېرولو برخه کې مرسته کوئ.»

له پاملرنې څخه مو نړۍ مننه، راځئ ټول کار وکړو څو ښار مو پاک او ښکلی

اوټاوا کې د کثافاتو مدیریت؛ د نوو افغان کډوالو لپاره د کثافاتو په اړه ویډیويي لارښود

کسوف او د ځمکې د اقلیم، رطوبت او د اوبو د کموالي علمي څېړنه

د عامه افکارو په جوړښت کې د رسنیو رول

امیر شیر علي خان د اصلاحاتو او تجدد غوښتنې ارزونه