دا چې د بلوڅ بېلتونغوښتونکو د سختې مبارزې او پراخه فعالیتونو له امله پاکستان له خورا نازکو سیاسي، اقتصادي او نظامي حالاتو سره لاس او ګرېوان دی او له ډېری پاکستاني سیاستوالو سره د دغه هېواد د پاشلکېدو وېره پیدا شوې، نو له همدې امله د ګڼ شمېر کسانو سترګې د پښتنو ګوندونو او تحریکونو ته دي چې په راتلونکې کې به څه پلان او پروګرام لري؟
له دغو ګوندونو تر ټولو مخکښ یې د پښتون ژغورنې غورځنګ دی چې په دې وروستیو کې یې شور او ځوږ یو څه کم شوی چې لامل یې د پاکستان د حکومت لخوا د غورځنګ پر مشرانو لګېدلی بندیزونه او د هغوی د فعالیتونو غیرقانونی اعلانول دي.
په دې اړه مو د پښتون ژغورنې غورځنګ د بلوچستان له ایالتي مشر نورباچا سره مرکه کړې. دی وايي چې د پښتنو سیاسي ګوندونه د خیبر جرګې د پرېکړو له عمليکېدو په شا شوي خو دوی به له اختر وروسته په یوازې سر د پاکستاني حکومت او پوځ پر وړاندې نوې مبارزه او مزاحمت پیلوي.
دا چې د بلوڅ بېلتونغوښتونکو نظامي مبارزه به پر لرو پښتنو او د هغوی پر راتلونکې څه اغېز ولري او د پښتون ژغورنې غورځنګ د لوړپوړو بندي غړو د خوشي کېدو موضوع تر کومه ځایهرسېدلې او دغهراز د پښتون ژغورنې غورځنګ به د خپلې مبارزې لپاره کومه پالیسي غوره کړي؟ دا او دې ته ورته نورې هغه پوښتنې دي چې په دغه مرکه کې مو له نورباچا پوښتلي دي.
بشپړه مرکه د وصال ټلوېزیون پر یوټیوب چینل کتلای شئ.
Views: 4
