وروسته له څه باندې ۲۰ کلونو چې افغانستان د نوې کرنسۍ خاوند شوی، افغانۍ له نسبي ثباته برخمنه شوې چې ډېری اقتصادپوهان یې لامل د ډالرو په ملاتړ پورې تړلی مصنوعي ثبات ګڼي چې لا هم دوام لري.
په کور دننه د افغانستان پولي سیاست د افغانۍ د ټیکاو ساتل او له دې لارې د توکو د نرخونو کنټرول دی. د افغانستان بانک قانون د ۶۲تمې مادې پر بنسټ، د مرکزي بانک په توګه د دغه بانک مسوولیت د پولي سیاست پلان او عملي کول او په اقتصاد کې د نغدو پیسو کچې مهارول یا تنظیمول دي؛ د دغه شاخص ثبات د کورنیو او هېوادونو پر اقتصادي پرېکړو نېغ اغېز لري او بېثباتي یې سیسټمونه او هېوادونه شړوي.
نن په «ثبات خپرونه» کې په افغانستان کې د پولي ثبات پر مسئله چې افغانۍ څومره له نړۍوالو بدلونونو، بندیزونو، مرستو او پرېکړو اغېزمنېدای شي او په څه ډول طبيعي ثبات ته رسېدلای شي؟ له اقتصادي شنونکي او د افغانستان اسلامي بانک له سلاکار محبالله شریف سره بحث لرو چې پام مو ورته را اړوو.
Views: 4
