امریکا غږ او راوروسته ازادي راډیوګانو شاوخوا څلورنیمې لسیزې د افغانانو لپاره خپرونې او شننې وکړې خو په داسې حال کې چې دا مهال په افغانستان کې بې پرې او ازادو معلوماتو ته لاسرسی محدود شوی، د ټرمپ ادارې د خپلو دغو نشراتي دستګاوو بودجه لغوه کړه چې ورسره د یادو راډیوګانو ترڅنګ د ډیوه او مشال راډیوګانې هم بندې شوې.
د لر او بر پښتانه، یا که ووایو په ټوله کې افغانان له تېرو ۴۵ کلونو راهیسې د یادو رسنیو له نوم، فریکونسیو او ژورنالېستیکو څېرو سره اشنا وو؛ له یادو څېرو یو هم رحمان بونیری دی چې د اشنا ټلوېزیون پر سکرین او ډیوه راډیو کې یې لر او بر پښتانه یا افغانان له نوم، غږ، څېرې او ژورنالېرم سره اشنا دي.
دا چې یادو رسنیو په سیاسي، اقتصادي، ټولنیزې او امنیتي برخو کې کوم، څرنګه او څومره خدمات وړاندې کړي، کارکوونکي یې له کومو ګواښونو سره مخ شوي او بندېدل به یې د لر او بر افغانانو پر ژوند څه اغېزې ولري، د دې ټولو په اړه مو له بونیري سره مرکه کړې چې پام مو ورته رااړوو.
Views: 7
