د کاناډا د انټاریو ولایت په پیکرینګ ښار کې د افغانانو ټولنې د پسرلي فصل رارسېدو په ویاړ شاندار فرهنګي او تفریحي محفل جوړ کړ. په دغه محفل کې لسګونو افغان کورنیو، ځوانانو او مشرانو ګډون درلود.
دغه محفل چې د افغان کلتور د ترویج، ټولنیزو اړیکو د پیاوړتیا او د نوي نسل د هویتي ارزښتونو د خونديتوب په موخه جوړ شوی و، د ملي یووالي، ګډو ارزښتونو او خوښیو یوه ښکلې ننداره هم وه.
په محفل کې افغاني دودیزې موسیقي، فرهنګي نندارو، محلي خوړو او د ماشومانو او لویانو لپارهځانګړو تفریحي برخو ګډونوالو ته ځانګړې شېبې او خوږې خاطرې ور وبښلې.
د پیکرینګ افغان ټولنې (The Pickering Afghan Association)، مشر ډاکټر سیدولي شریفي ګډونوالو ته په خپله وینا کې وویل: «د دغسې پروګرامونو جوړولو موخه یوازې تفریح نه ده، بلکې غواړي د افغان ټولنې ترمنځ پیوستون پیاوړی کړي او د کډوالۍ ستړیاوې او رواني فشارونه په دا ډول تفریحي محفلونه تسکين کړي.»
Views: 1
