د افغانستان د اوسپنې ویلې کولو ټولنه وايي، هېواد اوس د اوسپنیزو ساختماني تولیداتو له پلوه نه یوازې پر ځان بسیا شوی، بلکې د سیمې هېوادونو ته یې صادرات هم پیل کړي دي.
د دغې ټولنې په وینا، پخوا افغانستان هر کال شاوخوا د یو میلیارد ډالرو په ارزښت اوسپنیز محصولات له بهر څخه واردول. اوس په هېواد کې د اوسپنیزو تولیداتو په برخه کې له ۴۰ څخه ډېرې فابریکې فعالې دي، چې تر ۵۰ زرو پورې کسان په مستقیم او غیر مستقیم ډول په کې بوخت دي.
په دې صنعت کې د انرژۍ یا برېښنا کموالی یوه لویه ستونزه ګڼل کېږي، خو هڅې روانې دي چې ورته دایمي حل وموندل شي.
په همدې تړاو مو د دغې ټولنې له اجرائیوي مشر عبدالنصیر رښتیا سره ځانګړې مرکه کړې، چې ستاسو پام ورته رااړوو.
Views: 2
