د افغانستان او پاکستان اړیکې په وروستۍ نیمه پېړۍ کې تر ټولو ترینګلي پړاو ته رسېدلې دي. سره له دې چې دواړه هېوادونه په کابل او اسلاماباد کې پرانیستي سفارتونه لري، خو له څه باندې څلورو میاشتو راهیسې د دواړو ترمنځ سیاسي او اقتصادي راکړه ورکړه په بشپړ ډول ټکنۍ شوې او یو بل سره تګ راتګ نه لري.
د دواړو هېوادونو اړیکې، د ګډو تاریخي ریښو ترڅنګ، د بېباورۍ، سیالۍ، جغرافیایي کشالو او ستراتیژیکو محاسبو له یوه پېچلي تاریخ څخه اغېزمنې دي. په وروستۍ نیمه پېړۍ کې اسلاماباد عموماً برلاسی بلل کېده او تل یې کابل په بېلابېلو برخو کې ننګولی؛ خو په دې وروستیو کې کیسه برعکس ښکاري او پاکستان د افغانستان په تړاو، دننه او بهر، واویلا پیل کړې ده.
نن د «ثبات» په خپرونه کې د پاکستان او طالبانو د اړیکو د خرابېدو، د دې وضعیت له امله دواړو لوریو ته د رسېدونکو زیانونو او د دغو دوو ګاونډیانو د راتلونکو اړیکو پر څرنګوالي بحث لرو. په همدې تړاو مو له پاکستاني دیپلومات او د افغانستان لپاره د پاکستان له پخواني ځانګړي استازي، اصف دراني سره مرکه کړې ده. ستاسو پام ورته رااړوو.
Views: 2
