د کاناډا په تورنتو ښار کې، د افغان ټولنیزو خدمتونو مرکز په نوښت، مېشتو افغانانو د کوچني اختر لمونځ په ګډه ادا کړ او دا مبارکه ورځ یې په یوه د خوښۍ، یووالي او ورورولۍ ډکه فضا کې ولمانځله.
د وصال ټلوېزیون خبریال، احسانالله کمال، په دغو مراسمو کې ګډون کړی و، له افغان ګډونوالو سره یې د اختر د نمانځنې، د وطن د خوږو یادونو او د دې ورځې د دیني او ملي ارزښتونو په اړه خبرې کړې دي.
په دې ځانګړې اختریزه مېله کې، ګډونوالو دودیز اتڼ هم وکړ، چې د افغاني فرهنګي هویت ښکلی انعکاس یې درلود. د خوښۍ، اتحاد او ولسي مینې دغه شېبې، د ګډونوالو لپاره د یووالي، خپلواکۍ او ملي ارزښتونو د درناوي یو یادګاري انځور وګرځې دې.
تاسو کولای شئ دغه اختریز مراسم د وصال ټلوېزیون له یوټیوب چینل وګورئ.
