دا مراسم چې د پیوستون ټولنې، السبحان جومات او افغان کاناډایې ټولنې یې کوربه توب کاوه، د ټورنټو ښار د نارت یارک په سېمه کې ترسره شول. پر دې مراسمو کې زرګونو افغانانو له خپلو کورنیو سره یو ځای ګډون کړی وو. د مراسمو په لمړیو کې د اختر لمونځ ترسره شو، د لمانځه له پای ته رسېدو سره سم یو بل ته د غېږو په ورکولو سره د اختر مبارکیانې ورکړل شوي او د هغه ترڅنګ په یوه څنډه کې د افغاني دود له مخې د هګیو جنګولو مېله هم ترسره شوه.
د یادونې وړ ده چې د دې مراسمو په څو کېلومترۍ کې د افغان ټولنېزو خدمتونو ټولنې د بېلو مراسمو په ترڅ کې کوچنی اختر ونمانځل. پر دې مراسمو کې هم یو شمېر ټورنټو مېشتو افغانانو ګډون کړی وو.
Views: 11
