د پېل کلتوري شورا (Peel Multicultural Council – PMC) د کډوالو د زده کړې، ټولنیزې ادغام، کلتوري تفاهم او مالي مشورو په برخو کې فعالیت کوي. یاده شورا د زده کړو په برخه کې ګڼ شمېر پروګرامونه لري چې موخه یې د نویو مهاجرینو ظرفیت لوړول دي.
د پیل شورا د زده کړو ترڅنګ ګڼ شمېر ټولنیز او کلتوري فعالیتونه هم لري، چې د کډوالو د بیا میشتیدنې د یووالي او همکارۍ فضا رامنځته کوي اودغه ډول پروګرامونه د مهاجرینو لپاره د ملاتړ، پیژندګلوی او کلتوري تبادلې زمینه برابروي، څو هغوی ځان یوازې نه، بلکې د ټولنې یوه مهمه برخه احساس کړي.
د پیل کلتوري شورا په ۱۹۷۷ کال کې، د پیل سیمې د کډوالو اړتیاوو ته د پام اړولو لپاره، رامنځته شوه، ترڅو د ټولنې د مثبتو اړیکو د رامنځته کولو لپاره برخلیک ټاکونکي سرچنې، برنامې، او خدموتونه چمتو کړي او هڅه کوي، چې له محرومو ټولنو سره مرسته وکړي، څو هغوی خپلې اقتصادي خپلواکۍ ته ورسېږي او خپلې شخصي او مسلکي موخې ترلاسه کړي.
په همدې اساس مو د PMC د خدمتونو په اړه د یادې شورا د اجريوي رئیس نوید چوهدري سره مرکه کړې ده چې پام مو ورته را اړوو.
دغه مرکه د وصال ټلوېزیون پر یوټیوب چینل کتلای شئ.
Views: 6
