د «IDRF» نړۍوال مرستندوی بنسټ «له افغانستان سره خواخوږي» تر نوم لاندې په خپل درېیم کلني خیریه پروګرام کې په افغانستان کې له اړمنو د ملاتړ په موخه نږدې ۳۰۰ زره کاناډايي ډالر راټول کړل.
د بشري مرستو راټولولو یاد پروګرام افغانستان کې له زیانمنو کورنیو سره د مرستې لپاره یو ارزښتمن فرصت و.
یاد پروګرام د یو شمېر افغان شخصیتونو لکه عزیز امیري، محمود قاسم، رضیه حمدیي، امام حمزه وردګ، نیلوفر منصوري او فرشته بسطام په ګډون ترسره شو چې الهامبښونکې ویناوې یې وکړې.
کاناډا کې مېشتو افغانانو د یاد پروګرام په ترسراوي او افغانستان کې د اړمنو لپاره د مرستې راټولولو په برخه کې فعال رول ولوباوه او د ۲۹۷,۶۰۰ کاناډايي ډالرو په راټولولو کې یې ارزښتناکه ونډه درلوده.
د پراختیا او مرستې نړۍوال بنسټ (IDRF) کاناډا کې یو ثبت شوی خیریه بنسټ دی چې د افغانستان په ګډون یو شمېر اړمنو هېوادونو کې د دوامداره پراختیا او بشردوستانه مرستو برخه کې فعالیت کوي.
Views: 7
