جمايما خان وايي چې زه د ولسي خلکو د مرګ او ژوبلې پر ضد يم، زه د ماشومانو د مرګ او ژوبلې پر ضد يم کهدا له هرې غاړې وي.
همدا د غور وړ دريځ دی، ځکه چې جنګ د هرې بلا مور ده، هر ناورين له جنګه زېږدي، هر جنګ د سېلف ډېفېنس يا د ځان ساتنې جنګ نه وي. ډېر جنګونه د انسان په لاسونو د انسان د نوغي د ختمولو لپاره کېږي. د حماس او اسراېیلو ننی جنګ که څه هم دا بده وېجاړونکې موخه دومره ښه نه شي بشپړولی لکه ديوکراين جګړه چې دا کار کولی شي خو دا جګړه د همدې موخې د لړۍ يوه کړۍ ده او يا دا جګړه دهمدې موخې د لړۍ يوه کړۍ جوړېدلی شي.
کېدای شي حماس به داسې نه غواړي او دابه هم وګنو چې کېداشي د يوه ولس په توګه به اسراېيل هم دومره ګرم او سړېخواره نه وي خو جنګ، جنګ دی، جنګ د يوې چارې او پروسې په توګه انسانان خوري، دا خونړۍ چاره د هېڅ کړکېچ حل نه دی. خو له بده مرغه په دې ټولو خبرو د پوهېدلو سره سره، بيا هم انسان نه پوهېږي.
له بلې خوا دا هم څرګنده نه ده چې اوسنی جنګ چا پېل کړ، حماس او که نه اسرايلو حماس پرېښود چې دا ډوپه دې ووهي؟
ډېر پخواني اسرايلي پوځيان د اسرايلو د دولت دا خبره سمه نه ګڼي چې ګنې د غزې په پولو پرتې يهودي لښکرې د پولود اوږدو په پنځلسو ځايونو کې په يوه ځای کې هم د حماس د جنګياليو په وراوښتلو خبر نه شوې؟
دوی وايي چې د اسراييلو دولت له دې ټول پروګرامه خبر وو يا پر بله ژبه، د اسراييلو دولت د شوي برید برخه وه او په لوی لاس ېې د پنځو يا شپږو ساعتونو لپاره نه د حماس د جنګياليو مخه نیوله او نه ېې جنګ ته ور دنګل.
خو اوس پوښتنه دا ده چې دا کار اسراييلو د څه لپاره کاوه؟
نو دا کار اسرائیلو ځکه کولو تر څو نړئ ته ور وښايي چې دوی بريدګر نهدي، بلکې بريد خو په دوی شوی، ځکه چې دا خبره اسراييلو ته دغزې تراړې د پاتې برخو د ښکېلولو لپاره يو ښه دېپلوماتيک جواز ورکولی شي!!
د دې خبرې پخلی د خواله رسنيو يو شمير راپورونه هم کوي او وايي چې د همدې لوبې د برخو د بيا بيا لوبولو لپاره تر ننه پورې ځينې لوېې لوېديځې خبري اېجنسۍ د حماس د لوري د اسراييلو دننه لوی توغنديز بريدونه په ژوندۍ بڼه په دروغو ښودل غواړي تر څو څرګنده کړي چې حماس د اسرائیلو دننه ديوه ترهګري جنګيالي ګوند په توګه ولسي خلک وژني. دا په داسې حال کې کېږي چې حماس د فلسطین د يوه غورځنګ سياسي تنه ده او جنګي څانګه یې نه ده. د دې لویې سياسي تنې يانې حماس, جنګېدونکي مټ ( عزالدين القسام لېوا) نوميږي. په دې حساب ټول حماس ته د يوې جنګي لېوا په سترګو نه شو کتلی.
حماس په انګرېزۍ ژبه کې د دې ګوند د اوږده عربي نوم (حرکت المقاومه الاسلامیه- Harakat al-Muqawama al-Islamiya) د لويو تورو نه جوړ شوی لنډيز دی.
دا ګوند په ټاکنو باوري دی ځکه خو ېې د ۲۰۰۶ کال په ټول ټاکنو کې د الفتح يا PLO ګوند تر ماتې وروسته د غزې تراړې واک تر لاسه کړ.
خو دا ګوند امريکا او د اروپا ټولنه دواړه د يوه ترهګري ګوند په توګه پېژني او دا چاره په خپله ګڼو اروپايي او امريکي سياسي شنونکو او په خبره پوهو کسانو ته سمه نه ښکاري ځکه چې د حماس ګوند ته د يوه ترهګري ګوند په سترګو د کتلو خپلهکړې تګلاره د منځني ختیځ د سولې چارې ته تاوان لري.
له بل لوري چې کله له يروشلم يا بېت المقدس څخه د غزې تر پولو پورې په څرخي الوتکه کې ځې نو په ګرانه به دې پنځه څلوېښت دقيقې ولګيږې او غزه د نوک تر څوکې پورې په درسته کې پټه او په وسله سمباله ده، هلته په هرو څو ګزو کې يو مشين ګن په لاس فلسطينی ځوان موندلی شې دا د غزې تراړې حال دی داسې غزه پاڅون کوي وسله وال د غزې له پولو اسرائیلو ته ور اوړي او بيا هم د شپږو ساعتونو لپاره د اسراييلو پوځ غلې دی، هېڅ نه وايي، د يوه وسله وال مخې ته هم نه راوځي؟ دا څنګه کېداشي تر څو چې له وړاندې دې پريکړه نه وي شوي چې د غزې څخه اسرائیلو ته د حماس ور اوښتونکو جنګياليو ته څه مه وايئ؟
راځي وګورو چې په دې لوبه کې د اسرائیلو لومړي وزير او د ليکو د ګوند اوسني مشر نتن ياهو په کور دننه څومره څه وبايلل او يا څومره څه یې وګټل؟
نو ځواب دا دی چې نتن ياهو نور هېڅ هم نهدي کړي ايله د مسلمانانو تر منځ خپل حېثيت ېې ژوبل کړی دی، هم هغهحېثيت چې لکه د پوز پرېکړې پوزه له پخوا هم ژوبل وو، نو په دې حساب، نتن ياهو هېڅ هم نه دي بايللي!
خو ګټه یې وکړه! اما کومه ګټه یې وکړه؟
ګټه خويې ځکه وکړه چې اوس نتن ياهو د يوه بېړني حالت تر مخې نوې حکومت جوړ کړی او هغه ټول ځواکونه یې بيا تر لاسه کړي دي چې د اسراييلو دننه روانو سياسي اختلافونو ترې اونۍ وړاندې اخستل غوښتل، له دې امله ويلی شو چې دا ټوله لومه يو چا له وړاندې غړلې وه او ښه په کراره یې پرانيستله او د غزې خوا او شا ته ېې وغوړوله او هر څه د هغه په خوښه وشول او هم هغه د دې لوبې لوی لوبغاړي يا ډير هوښيار کس وو!
اوس کېداشي تر يهودو، تر لويديځه او د اسراييلو تر دولته پورېاو بيا تر حماسه، تر ايرانه او تراکثرو مسلمانانو پورې ګڼې خولې دا خبرې ونه مني چې ګنې دا لومه له وړاندې غړل شوې وه او که مني یې نو وايي به چې لومهحماس غړلې وه ولې، ګورو به چې دا وړۍ څومره زر دچا په کور کې او د چا پهګټهشړي کېږي ځکه چې اوس خو هسې هم اوبه له سره اوښتي او له سره اوښتي اوبه يواځې د هغو تنو مړي سر ته راوباسي کومې تنې چې اوبه وړل غواړي.
دغه لیکنه د لیکوال د نظر ښکارندوی ده، وصال ټلوېزیون یې پر وړاندې کوم مسوولیت نه لري.
خپلمخې او فريلانس ليکوال ډاکټر محمداکبر اکبر
Views: 84
