د افغانستان لپاره د پانګونې فرصتونو ترویج او بشردوستانه ملاتړ

مطبوعاتي خبرپاڼه

د ملي خبرو اترو لپاره هدفمن ائتلاف، د بهر مېشتو افغانانو نړیواله شورا، او د افغانستان د بیا رغونې نړیوال بنسټ په ویاړ سره « د افغانستان لپاره د بشری مرستو هڅولو او د پانګونې فرصتونوجلبولو» په باب د روانې جون مياشتې په ۲۷ مه په مجازې بڼه يو نړيوال کانفرانس جوړوي.

دغه مهمه غونډه به علمي، ټولنیزې څېرې، د پرمختیا په برخه کې نړیوال شریکان، خیریه او بشردوستانه بنسټونه، پانګه‌ وال او د بهرمېشتوافغانانو(دیاسپورا)  استازي راټول کړي، ترڅو د افغانستان روان بشري او اقتصادي بحران ته د حل لارې ولټوي او روان بشري وضعیت او د هېواد اوږد مهاله پرمختک لپاره نوې لارې چارې وڅېړي.

دا کنفرانس غیرسیاسي دی او له هېڅ یو داخلي یا بهرني سیاسي بنسټ سره تړاو نه لري. ټولې خبرې اترې به یوازې د بشري همکارۍ، اقتصادي بیا رغونې او مسؤلانه پانګونې او دټولو افغانود خیر ښېګڼې  پر محور متمرکزې وي.

د کنفرانس مهم ټکي:

🔹 د نیرپا (NERPA) پروګرام پېژندنه:

د افغانستان د ملي اقتصادي اصلاحاتو پروګرام (NERPA) د هېواد مثبت بدلون لپاره یو لوی نوښت دی چې موخه یې اوږدمهاله پرمختګ، دکورني او بهرني پانګوالو جلب، د کاري اسا نتیا وو موندل او ټولشموله اقتصادي وده ده.

نیرپا یوازې یو پروګرام نه، بلکې یو ملي تحول دی، چې د افغانانو په مشرۍ په ځان بسیا، هوسا او متحد افغانستان د جوړولو لپاره طرحه شوی دی.

🔹 ویناوې او تخصصي پنلونه يا ورکشاپونه:

ویناګانې، علمي او تخصصي څرګندونې به د اقتصادي کارپوهانو، خیریه او بشري بنسټونو استازو، د افغانو دیاسپورا پانګه‌ والو، اقتصادي پرمختیایي فعالانو، او د غیر حکومتي بنسټونو لخوا وړاندې شي او په لاندې موضوعاتو به تمرکز کوي.

د مرستو همغږي او د وېش لا ښه روڼتیا، د هېواد په بنسټیرو جوړښتونو او کرنې سکتور کې د پانګه اچونې فرصتونه، د څو اړخیزو مشارکتونو پراختیا او د اوږدمهاله او پایدارو میکانیزمونو جوړول

🔹 د بحث اصلي محورونه :

اقتصادي بیا رغونه، د کاري فرصتونو موندنه او د خصوصي سکتور ملاتړ، د فقر کمول او د لوږې سره مبارزه، د بندیزونو او دپلوماتیکې انزوا سره مقابله او د بشري/ خیریه مرستو په وېش کې د لا شفافیت ټینګار.

ولې دا کنفرانس اوس مهم دی؟

د څو لسیزو جګړو او بې‌ثباتۍ افغانستان د نړۍ له تر ټولو بدو بشري او اقتصادي بحرانونو سره مخ کړی دی. د ملګرو ملتونو په حواله :

• له ۲۸ میلیونو زیات وګړي (۲/۳ نفوس) بشري مرستو ته اړتیا لري
• له ۲۰ میلیونو زیات خلک د شدیدې خوړو نه‌خوندیتوب سره مخ دي
• بیکاري، په ځانګړې توګه د ځوانانو او ښځو ترمنځ، مخ پر زیاتېدو ده
• له ۹ میلیارده ډالرو زیات د افغانستان شتمني کنګل شوې دي
• د اروپایي ټولنې او USAID لخوا تمویل کېدونکي پروژې بندې شوې دي
• افغانستان لا هم تر نړیوالو بندیزونو لاندې او دپلوماتیک سره مخامخ دی.

🔹 د مهاجرو ستنېدنه او اقتصادي سختۍ:

میلیونونه افغانان له پاکستان او ایران څخه په سختو اقتصادي شرایطو کې بېرته راستانه شوي دي. له ۸۰٪ زیات خلک په کلیوالو سیمو کې ژوند کوي، چیرې چې ابتدایي خدمات لکه څښاک اوبه، برق، روغتیا او زده‌کړې محدودې دي. پایدار اقتصادي پرمختګ، د دوامدار ثبات یوازینی کلي ده.

د ننګونو په منځ کې فرصتونه:

 د بحران او ستونزو له شتون سره، لا هم هیلې موجودې دي:

• د څو لسیزو وروسته په ټول هېواد کې د امنیت شتون
• د خصوصي پانګونې د جلب او هڅونې لپاره مخ پر زیاتېدونکې فرصت
• د کرنې، کانونو، انرژۍ، عامې روغتیا او لوژستیک سکتورونو کې بالقوه ظرفیتونه
• د خیریه مرستو د اصلاح لپاره نوې لارې او د باور وړ شریکان

د کانفرانس جوړونکې کمیټې په باور: «افغانستان له تاریخي پلوه د پام وړ پړاو کې ځای لري. د ناامیدۍ زیاتېدل اوله ظرفیتونو ګټه نه اخیستنه، دا کانفرانس نړیوال بېړني اقدام ته رابولي. اوس د عمل، یوالي او د یوه باعزته او پایدار راتلونکي د جوړولو وخت دی.»

 دعملي ګام لپاره غږ اوچتول:

له لاندې بنسټونو او کسانوغوښتنه کېږي چې له موږ سره یوځای شي:

• د ملګرو ملتونو ادارې، بشردوستانه او نادولتي نړیوال بنسټونه
• د اروپایي اتحادیې، USAID، او نورو نړیوالو پرمختیایي بنسټونه
• خصوصي پانګه‌ وال، فکري بنسټونه، د مدني ټولنې او ټولنیزو شبکو استازي
• افغان دیاسپورا متخصصین او فعالین، چې د افغانستان په بیا روغونه کې مهم رول لري.

 اړیکې:

USA: Dr. Prof. Zaman Stanizai

Tel.: +1(424) 395-7400

Mrs. Durkhanai Zahin

Te.: +1(210) 784-6985

Dr. Suraya Paikan,.

Tel.+93 786764036

Canada: Dr. Monir Ahmad

 Tel.: +1 (613) 878-1160

Australia: Durmohammad Ashna

Te.: +61 409 553 304

Europe: Dr. Fazel Rahman

TEL.: + 43 688 824 2488

Afghanistan: Dr. Maeen Chamkanai

Tel.: +93 772038714

Views: 150