د راپورونو له مخې، د روسيې ولسمشر د «پاک اختر» په مناسبت له اوکراين سره د جګړې په ټولو جبهو کې خپلو ځواکونو ته د بريدونو درولو امر کړی؛ په مقابل کې، ولاديمير زلنسکي هم ورته اقدام اعلان کړی او ټينګار يې کړی چې د دغه هېواد خلک «له ګواښ پرته اختر» ته اړتيا لري.
د ټاس خبري اژانس د راپور له مخې، د روسيې ولسمشر ولاديمير پوتين اعلان کړی چې خپلو ځواکونو ته يې امر کړی څو د «ایسټر» په مناسبت د اوکراين پر وړاندې په ټولو جبهو کې خپل بريدونه ودروي، خو د احتمالي بريدونو لپاره چمتو پاتې شي.
هغه زياته کړې چې دغه اوربند به د مسکو پر وخت د اپرېل د ۱۱مې نېټې د ماښام له ۴:۰۰ بجو څخه د اپرېل د ۱۲مې نېټې د شپې تر ۱:۰۰ بجو پورې نافذ وي.
بلخوا، د اوکراين ولسمشر ولاديمير زلنسکي ويلي چې هېواد به يې هم ورته اقدامات ترسره کړي.
نوموړي ټينګار کړی چې «خلک داسې ایسټر ته اړتيا لري چې ګواښ پکې نه وي.»
Views: 7
