د کابل ښار د تېرې ورځې چاودنې مسوولیت د داعش ډلې منلې دی.دغه چاودنه پرون مازدیګر د کابل ښار د شهرنو په ګلفروشۍ کوڅه کې د چينايي مسلمانانو او افغانانو په ګډ رستورانت (Chinese Noodle) کې وشوه.
د کابل د امنیه قومانداني ویاند، خالد ځدران ویلي چې په دغه چاودنه کې لږ تر لږه شپږو کسانو ژوند له لاسه ورکړی او تر لسو ډېر ټپيان شوي دي.
د هغه په وینا، دغه رستورانت د يو چينايي مسلمان عبدالمجید او د ده د مېرمنې او يو تن افغان عبدالجبار محمود له لوري په ګډه چلول کيده.
یوې باوري سرچينې د جزییاتو له ورکولو پرته پژواک ته ویلي چې په دغه برید کې «چینایان» زیانمن شوي دي.
د کابل ايمرجنسي روغتون ویلي چې تر یادې چاودنې وروسته شل تنه دغه روغتون ته لېږدول شوي او له دې ډلې ٧ تنو ژوند بایللی.
الجزیرې لیکلي چې د یادې چاودنې مسوولیت داعش ډلې منلی او ویلي یې دي چې برید د یوه «ځانمرګي بریدګر» له لوري ترسره شوی دی.
Views: 12
