رسنیو خبر ورکړی چې د خیبر پښتونخوا په لکيمروت او بنو سیمو کې د وسلهوالو په بریدونو کې څلور پاکستاني پولیس وژل شوي دي.
د جیو نیوز په یوه راپور کې د لکيمروت د پولیسو د ویاند له قوله راغلي چې ناپېژانده وسلهوالو موټرسایکلسپرو د دې سیمې په سرای نورنګ ښار کې درې ترافیک پولیس په ډزو وژلي دي.
سرچینې زیاته کړې چې یاد وسلهوال له پېښې وروسته له سیمې وتلي دي.
دغهراز، په راپور کې د بنو د پولیسو له قوله راغلي چې د بنو په منډان سیمه کې ناپېژانده وسلهوالو یو پولیس په ډزو وژلی دی.
دا په داسې حال کې ده چې د روانې مرغومي میاشتې په دویمه هم د خیبر پښتونخوا په کرک ولسوالۍ کې په یوه وسلهوال برید کې پنځه پاکستاني پولیس وژل شوي وو.
Views: 3
