د راپورونو له مخې، د انګلیستان په شماللوېدیځ کې په یوه روغتون کې پر پنځو کسانو د اوسپنیزې الې په وسیله له شوي برید وروسته یو افغان نیول شوی دی.
بیبیسي نن په یوه راپور کې د برېتانیا د پولیسو له قوله لیکلي، يو ۲۰ کلن ځوان چې په اصل کې د افغانستان دی، د دغه هېواد د شماللوېديځ په يوه روغتون کې پر پنځو کسانو د اوسپنيزې الې په وسیله له بريد وروسته نيولی دی.
پوليسو ویلي، د ټپيانو حالت ښه دی او هيڅ يوه ته ژوند ګواښوونکی زيان نه دی رسېدلی او د نيوټن لي وېلوز په روغتون کې د ټپيانو سملاسمي درملنه شوې ده.
په راپور کې د برېتانيا په شماللوېديځ کې د پولیس په حواله لیکل شوي: «مشکوک کس ظاهراً روغتون ته له ډاګتر سره د ليدو لپاره تللی و، خو کله یې چې غوښتنه رد شوه او ترې وغوښتل شول چې ولاړ شي، په غوسه شوی و.»
پولیس وایي، یاد ځوان یې د شخړې او زیان رسولو له امله نیولی دی.
Views: 4
