د راپورونو له مخې، د خیبر پښتونخوا په کورمه ولسوالۍ کې پر یوه امنیتي پوسته د وسلهوالو برید کې شپږ پاکستاني سرتېري وژل شوي دي.
رویټرز نن په يوه راپور کې د پاکستان د درېیو امنیتي سرچینو له قوله لیکلي چې تېره شپه د خیبر پښتونخوا په کورمه ولسوالۍ کې وسلهوالو پر یوه امنیتي پوسته برید کړی دی.
سرچینې ویلي چې په دغه برید کې د پاکستان شپږ امنیتي سرتېري وژل شوي دي.
دا په داسې حال کې ده چې د لېندۍ په ۱۱مه هم د خیبر پښتونخوا په بنو کې په یوه برید کې د شمالي وزیرستان د مرستیال کمېشنر شاه وليالله په ګډون څلور کسان وژل شوي وو او د دوو پولیسو په ګډون درې نور ټپیان وو.
Views: 12
