پاکستاني رسنیو راپور ورکړی چې د دغه هېواد د پنجاب صوبې د فیصلاباد ښار د کیمیاوي توکو یوه فابریکه کې یوه بایلر چاودنه کړې چې له امله ۱۸ کسان وژل شوي او اووه نور ټپیان دي.
د پاکستان اج ټلوېزیون په یوه راپور کې ویلي چې دغه پېښه نن سهار د پنجاب صوبې د فیصلاباد ښار د کیمیاوي توکو یوه فابریکه کې شوې چې د یادو تلفاتو ترڅنګ د فابریکې ودانۍ او نږدې کورونه هم نړېدلي دي.
سرچینه کاږي چې په وژل شوو کسانو کې ماشومان او ښځې هم شامل دي چې شپږ یې د یوې کورنۍ غړي وو او اووه نور کسان ټپیان شوي چې روغتونو ته لېږدول شوي او حالت یې نازک ښودل شوی دی.
په راپور کې د سرچینو له قوله راغلي چې پولیسو د دې پېښې په تړاو د فابریکې مدیر نیولی دی.
د فیصلاباد چارواکو ویلي چې ښايي د تلفاتو شمېر لوړ شي؛ ځکه تر اوسه د ژغورنې ډلې په سیمه کې تر خاورو لاندې د کسان پر راایستلو بوخت دي.
Views: 4
