د افغانستان د کرکټ له ۱۹ کلنو کمعمره ملي لوبډلې د پنځو یو ورځنیو سیالیو په لړ کې په خپله درېیمه لوبه کې بنګلهدېش ته د ۱۰۲ منډو په توپیر ماته ورکړه.
نننې سیالي چې په بنګلهدېش کې ترسره شوه، پچه یې افغان لوبډلې وګټله او لومړی توپوهنه ترسره کړه.
په یاده لوبه کې افغان لوبډلې په ټاکل شوو ۵۰ اورونو کې د اوو لوبغاړو په سوځېدو ۲۷۵ منډې وکړې.
په دې لوبه کې د افغان لوبډلې په ګټه فیصل خان ۱۰۰، لوبډلمشر محبوب خان ۸۶، عزیزالله نیازي ۳۱ او عثمان سادات ۲۶ منډې وکړې.
د بنګلهدېش له ۱۹ کلنو کمعمره لوبډلې ورکړل شوی هدف پوره نه شو کړای او په ۳۸م اور کې یې د ټولو لوبغاړو په سوځېدو ۱۷۳ منډې وکړې او د ۱۰۲ منډو په توپیر یې افغانستان ته لوبه وبایله او په دې سره لوبلړۍ یو – یو مساوي شوه.
د یادو سیالیو لومړۍ لوبه بنګلهدېش ګټلې وه او دویمه لوبه د باران له امله لغوه شوې وه.
د یادونې ده، د دواړو لوبډلو ترمنځ به د روانې لوبلړۍ څلورمه لوبه د راتلونکې جمعې په ورځ ترسره شي.
Views: 9
