ایراني چارواکو ویلي چې د روان لمریز کال په لومړیو شپږو میاشتو کې یې یو میلیون او ۴۵۰ زره افغان کډوال له دغه هېواده ایستلي دي.
د ایرنا د خبري اژاین د راپور له مخې، د ایران د کورنیو چارو وزارت د بهرنیو اتباعو او کډوالو چارو د مرکز رییس نادریار احمدي ویلي: «د روان کال په لومړیو شپږو میاشتو کې د غیرقانوني اتباعو د ایستلو یک میلیون او ۴۵۰ زره کسانو ته ورسېد.»
هغه زیاته کړې چې د افغان کډوالو د ایستلو بهیر روان دی او ټاکل شوې په نږدې راتلونکي کې به همدومره نور کډوال هم وایستل شي.
د ایران د کورنیو چارو وزارت د بهرنیو اتباعو او کډوالو د مرکز د رییس په وینا، مخکې په دغه هېواد کې د افغان کډوالو شمېر ۶ میلیون کسانو ته رسیده، خو اوس دغه شمیر ۴.۵ میلیون کسانو ته راټیټ شوی دی.
احمدي ویلي چې اوس مهال د افغان او ایراني نارینهوو او ښځو ترمنځ ۸۰ زره ودونه ثبت شوي دي (۴۰ افغانان له ایرانیانو سره او برعکس)، چې له ماشومانو سره شاوخوا ۲۵۰ نفوس جوړوي.
هغه د دغو کورنیو ماشومانو ته د پېژندپاڼو ورکولو په اړه ویلي: «هغه ماشومان چې له ایراني میندو او یا برعکس زیږیدلي دي، کولتی شي پېژندپاڼه ترلاسه کړي.»
Views: 1
