د راپورونو له مخې، د حماس غورځنګ د اوربند د هوکړې له مخې اووه اسرائیلي بندیان خوشي کړي او د سره صلیب نړۍوالې کمېټې استازو ته یې سپارلې دي.
تېره اونۍ د امریکا ولسمشر ډونالډ ټرمپ اعلان وکړ چې په مصر کې غیرمستقیم مذاکرات په غزه کې د سولې لپاره د ټرمپ د وړاندیز شوي ۲۰ مادهییز پلان د لومړۍ پړاو پر سر د هوکړې لامل شوي دي چې پکې له غزې د اسراییلي ځواکونو وتل او د بندیانو تبادله شامل دي.
الجزیرې راپور ورکړی چې حماس ۷ اسراییلي بندیان د سره صلیب نړۍوالې کمیټې (ICRC) استازو ته سپارلي دي.
په راپور کې راغلي چې بندیان به د طبي معایناتو، حمام او جامو بدلولو لپاره د اسراییلو پوځي اډې «رئیم» ته ولیږدول شي.
سرچینې لیکلي چې د دې هوکړې له مخې، حماس به د نږدې ۲۰۰۰ فلسطیني بندیانو د خوشي کولو په بدل کې چې ډېری یې له محکمې پرته بندیان دي، ۲۰ اسراییلي بندیان خوشي کړي.
Views: 3
