د متحده عربي اماراتو شلاوریز سوداګریز کرکټ لیګ سیالیو ته د بېلابېلو لوبډلو له لوري ۱۲ افغان لوبغاړي اخیستل شوي دي.
د راپورونو له مخې، د ۲۰۲۵ کال د متحده عربي اماراتو شلاوریز کرکټ لیګ څلورم پړاو سیالۍ د ډسمبر په دویمه د شپږو لوبډلو ترمنځ پیلېږي او د ۲۰۲۶ کال د جنورۍ تر څلورمې به دوام ولري.
په یادو سیالیو کې شپږ لوبډلې دوبۍ کیپیټلز، ډیزرټ واپیرز، ګلف جاینټس، اېماې اماراتس، شارجه واریرز او ابو دوبی کینګز رایډرز شاملې دي.
د افغانستان د کرکټ بورډ ویاند سیدنسیم سادات پر خپله فېسبوکپاڼه لیکلي چې په دغو سیالیو کې محمدنبي، ګلبدین نایب، صدیق اتل، عربګل او وقار سلامخېل د دوبۍ کیپیټلز لوبډلې، فریدون داودزی او قیساحمد د ډیزرټ واپیرز لوبډلې، رحمانالله ګربز او عظمتالله عمرزی د ګلف جاینټس لوبډلې، نوینالحق، فضلحق فاروقي، اللهمحمد غضنفر د اېم ایې اماراټس لوبډلې له لوري اخیستل شوي دي.
د یادونې ده، یو شمېر افغان لوبغاړي د یاد لیګ ترڅنګ له دې مخکې د هند، بنګلهدېش، سریلانکا، پاکستان، سوېلي افریقا، امریکا او یو شمېر نورو سوداګریزو لیګونو کې لوبېدلي دي.
Views: 6
