د ۲۰۲۵ کال د کرکټ اسیا جام شلاوریزو سیالیو په لړ کې نن افغانستان خپله دویمه لوبه له بنګلهدېش سره کوي.
د ۲۰۲۵ کال اسیا جام شلاوريزې سیالۍ په متحده عربي اماراتو کې روانې دي چې د افغانستان په ګډون اته لوبډلې برخه پهکې لري.
د افغانستان او بنګلهدېش لوبډلو ترمنځ لوبه به نن ماښام اووه بجې پیل شي.
د افغانستان کرکټ بورډ ویلي چې افغان لوبغاړو د بنګلهدېش پر وړاندې لوبې لپاره د چمتووالي په موخه تېره شپه تمرینات ترسره کړل.
افغان کرکټ ملي لوبډلې په دغو سیالیو کې په خپله لومړۍ لوبه کې هانګکانګ ته ماته ورکړه.
د یادو سیالیو په «الف» ګروپ کې د هند، پاکستان، متحده عربي اماراتو او عمان لوبډلې شاملې دي او په «ب» ګروپ کې د افغانستان، بنګلهدېش، سریلانکا او هانګکانګ لوبډلې سره لوبېږي.
د یادونې ده، افغان لوبډله به په اسیا جام کې خپله درېیمه لوبه د سپټمبر په ۱۸مه له سریلانکا سره ترسره کړي.
Views: 4
