د افغانستان فوټبال ملي لوبډله د ۲۰۲۷ کال د اسیا ملتونو جام غوراوي سیالیو ته د لارموندنې لوبو په لړ کې نن د سوریې د فوټبال ملي لوبډلې پر وړاندې لوبه کوي.
د افغانستان د فوټبال فدراسیون پر خپله فېسبوکپاڼه لیکلي، دغه لوبه د کابل پر وخت نن ماسختن ۹:۴۵ بجې په سعودي عربستان کې ترسره کېږي.
د نوي روزونکي وینچنزو البرتو تر څار لاندې دغه لوبه د افغان لوبډلې لپاره لومړنۍ لوبه ده. نوموړي نږدې یوه میاشت مخکې د افغانستان د فوټبال ملي لوبډلې د روزونکي په توګه دنده پیل کړې ده.
افغان لوبډلې له تېرې یوې اونۍ راهیسې په سعودي عربستان کې د لوبو لپاره چمتوالی نیولی چې د لومړي ځل لپاره د دغو سیالیو کوربهتوب کوي.
Views: 6
