حماس غورځنګ وایي چې منځنۍ اسیا ته د امریکا د ولسمشر ډونالډ ټرمپ سفر په درشل کې یو اسرائیلي – امریکایي بندي ازادوي.
د بيبيسي فارسي څانګې د راپور له مخې، حماس ویلي چې دغه بندي ادان الکساندر نومېږي، د هغه ازادول په غزه کې د اوربند او د بشري مرستو د ورتلو هوکړې ته د لاسرسي لپاره د هڅو یوه برخه ده.
حماس زیاته کړې چې دغه تصمیم یې په قطر کې له امریکا سره تر مستقیمو خبرو وروسته نیولی دی.
دغه غورځنګ وایي چې غزې ته د بشري مرستو د بیا داخلېدو لپاره هوکړې ته د رسېدو برخه به همکاري وکړي.
ورته مهال، د اسرائیل لومړي وزیر بینامین نتانیاهو ویلي چې د دغه اسرائیلي – امریکايي زنداني ازادېدل به د اوربند یا د فلسطیني زندانیانو ازادېدو لامل نه شي.
د راپور له مخې، د نتانیاهو دفتر په یوه بیان کې ویلي چې د دغه بندي ازادېدل د امریکا د ولسمشر د ملاتړ او د اسرائیل د نظامي فشار له امله شوني شوي دي.
قطر او مصر د حماس له دې پرېکړې هرکلی کړی دی.
د یادونې ده، ډونالډ ټرمپ د سې شنبې په ورځ د سوداګریزو هوکړهلیکونو لپاره سعودي، قطر او متحده عربي اماراتو ته سفر کوي.
Views: 1
