افغان ابدالیان کرکټ لوبډلې د درې اړخیزې لوبلړۍ په خپله دویمه یو ورځینۍ لوبه کې د ایرلینډ الف لوبډلې ته ماتې ورکړه.
دغه سیالي چې نن د متحده عربي اماراتو د ابوظبۍ په زاید کرکټ لوبغالي کې ترسره شوه، پچه یې افغان لوبډلې وګټله او د ایرلینډ الف لوبډلې پر وړاندې یې لومړی د توپاچونې پرېکړه وکړه.
په دغه سیالي کې د ایرلینډ لوبډلې لومړی توپوهنه وکړه او په ۴۲م اوور کې یې د خپلو ټولو لوبغاړو په سوځېدو سره ۲۰۳ منډې وکړې.
د افغان لوبډلې په ګټه قیس احمد درې، فرمانالله ساپي او شرفالدین اشرف دوه – دوه، عبدالمالک، نوید ځدراڼ او خلیل احمد بیا د ایرلینډ یو – یو لوبغاړي وسوځول.
په مقابل کې افغان ابدالیان لوبډلې په ۳۴م اور کې د درېیو لوبغاړو په سوځېدو سره ورکړل شوی هدف پوره کړ او د اووه وېکټو په توپیر یې د ایرلینډ الف لوبډلې ته ماتې ورکړه.
په یاده سیالي کې د افغانستان له لوري په توپوهنه کې زبید اکبري ۷۶، صدیق تل ۵۲، دروېش رسولي ۳۳ او اکرام عليخېل ۲۵ منډې وکړې.
د یادونې ده، دغه درې اړخیزه سیالۍ د افغان الف «افغان ابدالیان»، د سریلانکا الف او ایرلینډ الف لوبډلو ترمنځ په متحده عربي اماراتو کې د افغانستان په کوربهتوب روانې دي.
Views: 0
