راپورونه وايي، د ایټالیا د کورنیو او بهرنیو چارو وزارتونو او ځینو سازمانونو ترمنځ یو هوکړهلیک لاسلیک شوی چې له مخې به یې ۷۰۰ افغان کډوال دغه هېواد ته ولېږدول شي.
«سنټاېګیډیو» کاتولیکي ټولنې د تړون چارو کې مهم رول لوبولی دی او د دغې ټولنې او د ایټالیا د بېلابېلو وزارتونو او سازمانونو ترمنځ د نوې هوکړې پربنسټ به ۷۰۰ افغان کډوال د دې ټولنې د «بشري دهلېزونو» له لارې ایټالیا ته ولېږدول شي.
د یادې ټولنې مشر مارکو امپلیاچو ویلی، دا د هغو کسانو لپاره د هیلې نښه ده چې د نړۍوالې ټولنې لخوا هېر شوي او له کلونو راهیسې د ژغورل کېدو په تمه دي.
راپور کې راغلي چې ایټالیا د دغو کډوالو د چارو اسانولو لپاره د څو کورنیو ټولنو او د ملګرو ملتونو د کډوالو د ادارې (یو اېناېچسيار) یو هوکړهلیک هم لاسلیک کړی دی.
Views: 0
