د راپورونو له مخې، اوکرایني او امریکايي چارواکي د هغو مذاکراتو پایله کې چې د سعودي عربستان په جده کې ترسره شول، د مسکو د توافق په صورت کې پر دېرش ورځني لنډمهاله اوربند هوکړې ته رسېدلي دي.
د نیویارک ټایمز د راپور له مخې، د دواړو هېوادونو چارواکو تېره شپه (سهشنبه) ناوخته وروسته له خبرو اترو په یوه ګډه اعلامیه کې ویلي، اوکراین د یو میاشتني لنډمهاله اوربند لپاره د امریکا د هغه وړاندیز منلو ته چې د دواړو خواوو په خوښه تمدیدای شي او هممهاله د روسیې له خوا په تایید او تطبیق پورې مشروط دی، چمتووالی ښودلی دی.
په اعلامیه کې راغلي، امریکا به سمدستي له اوکراین سره پوځي مرستې او د استخباراتي معلوماتو شریکول بېرته پیل کړي.
سرچینه کاږي: «متحده ایالتونه به روسیې ته خبر ورکړي چې د روسیې متقابل عمل سولې ته د رسېدو کیلي ده.»
ورته مهال، د امریکا متحده ایالتونو د بهرنیو چارو وزیر وروسته له مذاکراتو ویلي: «موږ به هغوی (روسیې) ته دا وړاندیز وکړو، هغوی ته به ووایو چې زموږ وړاندیز همدا دی، اوکراین چمتو دی چې ډزې ودروي او خبرې اترې پیل کړي.»
هغه زیاته کړې چې اوس دا د روسیې په پرېکړه پورې تړلې ده او دغه هېواد به د جګړې پای ته رسولو لپاره تر فشار لاندې راولي.
روسیه تر اوسه په دې اړه نظر نه دی ورکړی.
د یادونې، د اوکراین د درېیو لوړپوړو او امریکايي چارواکو ترمنځ خبرې پرون د سعودي عربستان په جده ښار کې ترسره شوې.
Views: 3
