د افغانستان کرکټ ملي لوبډلې د اتلانو جام (چمپینز ټرافي) سیالیو په لړ کې خپله دویمه لوبه کې انګلستان ته ماتې ورکړه.
نننۍ لوبه چې د پاکستان د لاهور ښار په قذافي کرکټ لوبغالي کې ترسره شوه، پچه یې افغان لوبډلې وګټله او لومړۍ یې د انګلستان پر وړاندې د توپوهنې پرېکړه وکړه.
افغان لوبډلې په ټاکل شوو ۵۰ اوورونو کې د اوو لوبغاړو په سوځېدو سره ۳۲۵ منډې وکړې.
د افغانستان په ګټه ابراهیم ځدراڼ ۱۷۷، عظمت الله عمرزي ۴۱، حشمت الله شهیدي او محمد نبی ۴۰ – ۴۰ منډې وکړې.
په مقابل کې ورکړل شوې هدف د انګلستان لوبډلې پوره نه کړای شو او په ۵۰م اور کې د ټولو لوبغاړو په سوځېدو سره یې ۳۱۷ منډې وکړې او د ۹ منډو په توپیر یې افغانستان ته لوبه وبایله.
د افغانستان له لوري په توپ اچونه کې عظمت الله عمرزي پنځه، محمد نبی دوه، راشدخان، ګلبدین او فاروقي یو – یو لوبغاړی وسوځول.
د یادونې ده، افغان لوبډله به د اتلانو جام سیالیو کې خپله درېیمه لوبه د فبروري میاشتې په ۲۸مه له اسټرالیا سره ترسره کړي.
Views: 15
