د راپورونو له مخې، د لبنان د سیاسي ګوندونو ترمنځ له ډېرو خبرو اترو وروسته پرون په دغه هېواد کې نوی حکومت جوړ او نواف سلام یې لومړی وزیر وټاکل شو.
سياېناېن راپور ورکړی چې نوي لومړي وزیر نواف سلام د ولسمشرۍ ماڼۍ کې له خبریالانو سره په خبرو کې ویلي چې نوې ۲۴ کسیزه کابینه به مالي اصلاحات، بیارغونه او د ملګرو ملتونو قطعنامې عملي کېدا چې له اسرائیل سره پر پوله د ثبات راتلو بسنټ جوړوي، په خپل لومړیتوب کې راولي.
راپور کې راغلي چې په لبنان کې نوی حکومت د سیاسي ګوندونو ترمنځ له څه باندې درېیو اونیو خبرو اترو وروسته مطرح او اعلان شوی دی.
ورته مهال، په منځني ختیځ کې د امریکا د استازي مرستیال مورګان اورتاګوس د جمعې په ورځ ویلي چې متحده ایالتونه په نوې کابینه کې د حزبالله دخالت «سره کرښه» بولي.
د یادونې ده، لبنان له ۲۰۲۲ کال راهیسې د یوه موقت حکومت له لوري اداره کېده.
د یاد هېواد ولسمشر جوزف عون پرون د مخکني موقت حکومت استعفا ومنله او هغه حکم یې لاسلیک کړ چې له مخې یې نواف سلام د نوي دولت د لومړي وزیر په توګه وګومارل شو.
Views: 18
