د راپورونو له مخې، سویډن کې پر یوه ښوونځي وسلهوال برید کې د بریدګر په ګډون لږ تر لږه لس کسان وژل شوي دي. پېښه د سویډن په اوریبرو ښار کې په یوه ثانوي ښوونځي کې شوې ده.
راپور کې راغلي چې په برید کې د بریدګر په ګډون لس کسان وژل شوي او د ټپیانو په اړه معلومات نشته.
سرچينه زیاتوي، سره له چې په سویډن کې یو شمېر رسنیو ویلي چې بریدګر خپل ځان په خپله وژلی خو پولیسو دا راپورونه نه دي تايید کړي.
د سویډن لومړي وزیر اولف کریسټرسن دا پېښه په دغه هېواد کې “تر ټولو ناوړه ډلهییزه وژنه” بللې او ویلي یې دي چې لا هم د برید په اړه ډېرې پوښتنې بېځوابه پاتې دي.
Views: 16
