د خوست ولايتي مسوولين وايي چې تېره شپه نامالومو کسانو د دې ولایت عليشیر ولسوالۍ کې د یوې کورنۍ لس تنه وژلي دي.
د خوست د والي وياند مستفغر ګربز پژواک ته وويل، تېره شپه د دغه ولايت د عليشېرو ولسوالۍ د اوبوخانې سيمه کې وسلهوالو پر يوه کور بريد کړی او لس کسان يې وژلي دي.
هغه زیاته کړه، د دوی د لومړنيو معلوماتو له مخې، دا پېښه د شخصي دښمنۍ پر اساس شوې چې په تور يې نن سهار د امنيتي ځواکونو له خوا دوه کسان نیول شوي او دا مهال تر پلټنو لاندې دي.
د مستغفر په وينا، په وژل شوو کسانو کې درې مېرمنې، دوه سړي او پنځه ماشومان شامل دي چې ټول د يوې کورنۍ غړي دي.
په همدې حال کې د خوست د امنيې قوماندانۍ وياند طاهر احرار هم ه تاييد کړه چې د يادې پېښې په تړاو دوه کسان نيول شوي دي.
په وژل شویو کې یوه میندواره مېرمن هم وه. وژل شوې کورنۍ د منګلو قوم پورې اړونده ده او په نیول شویو کسانو کې یو د دې کورنۍ یو زوم هم شته چې د پکتیا ولایت اوسېدونکی
Views: 9
