د راپورونو له مخې، د پاکستان د ملتان په یوه صنعتي سیمه کې د ګازو یوه ټانکر چاودنه کړې چې امله یې شپږ کسان وژل شوي او ۳۱ نور ټپیان دي.
جیو نیوز نن راپور ورکړې چې د ملتان په یوه صنعتي سیمه کې د ګازو یو ټانکر چاودېدلی چې شپږ کسان په کې وژل شوي او ۳۱ نور ټپیان دي.
سرچینې ویلي، په وژل شوو کې یوه کوچنۍ نجلۍ او دوه ښځې هم شاملې دي.
جیو نیوز لیکلي، د LPG ګازو د دغه ټانکر له چاودنې وروسته اورلګېدنه رامنځته شوې چې نږدې استوګنیزو سیمو ته یې هم زیان اړولی دی.
په دغه راپور کې راغلي چې اور له څو ساعته هڅو وروسته کنټرول او مهار شوې ده.
سرچینې د ملتان ښار د پولیسو د یوه افسر صادقعلي له قوله لیکلي، په دې اورلګېدنه کې یو شمېر کورونه هم ویجاړ شوي او زیاته کړې یې ده چې په ټپیانو کې د ۱۳ کسان حالت نازک دی.
Views: 11
