د الجزیرې د راپور له مخې، دا مهال د اسرائیلو په زندانونو کې لږ تر لږه ۱۰ زره او ۴۰۰ فلسطینیان بنديان دي چې له دې ډلې ۳ زره او ۳۷۶ تنه یې پرته له کوم تور یا محاکمې بندخونو کې ساتل کېږي.
د اسرائيل او حماس ترمنځ د اوربند او د بندیانو د تبالې تړون تېره اونۍ، د امریکا، مصر او قطر په منځګړیتوب لاسلیک شو. اوربند څلور ورځ مخکې پیل شو او درې تنه اسرائیلیان له ۹۰ تنو فلسطیني بندیانو سره تبادله شول.
د الجزیرې د راپور له مخې، دا مهال د اسرائیلو په زندانونو کې لږ تر لږه ۱۰ زره او ۴۰۰ فلسطینیان بنديان دي.
سرچینه زیاتوي، په یادو بندیانو کې ۳۲۰ ماشومان او ۸۸ ښځې هم شامل دي او له دې ډلې ۳ زره او ۳۷۶ تنه یې پرته له کوم تور یا محاکمې بندخونو کې ساتل کېږي.
دغه راز، سرچینې، د غزې د ټولګټو چارو وزارت له قوله لیکلي چې اسرائیلو د بريدونو په پایله کې د غزې شمال کې ۸۰ سلنه کورونه نړېدلي او ۳۰۰ زره فلسطینیان بېکوره دي.
سرچینه زیاتوي چې غزه کې د اسرائیلو په بریدونو کې ۴۷ زره فلسطینیانو ژوند له لاسه ورکړی چې ډېری یې ښځې او ماشومان دي او څه باندې ۱۱۱ زره نور ټپيان شوي دي.
Views: 12
