د امریکا نوي ولسمشر، د ناقانونه کډوالو د مخنیوي په موخه له مکسیکو سره پر پوله بېړنی حالت اعلان کړ او امریکا کې زېږدلو کډوالو ماشومانو ته د تابعیت ورکولو طرحه یې وځنډوله او همداراز دغه هېواد ته د څه باندې ۱۶۰۰ افغانانو د الوتکو پروازونه لغوه شوي دي.
د امریکا نوي ولسمشر ډونالډ ټرمپ د نوو فرمانونو د اعلان په لړ کې د ناقانونه کډوالو د مخنیوي په موخه له مکسیکو سره پر ګډه پوله بېړنی حالت اعلان کړ او په پام کې ده چې هلته اضافي امنیتي تدابیر هم ونیسي.
راپور کې راغلي چې ټرمپ هغه ډلې چې له مکسیکو پولې ور اوړي او جنايي پېښې ترسره کوي د ترهګریزو ډلو په نوم ونومولې.
د راپور په حواله، ټرمپ د کډوالو هغو ماشومانو ته د تابعیت ورکولو طرحه هم نږدې څلور میاشتو لپاره وځنډوله چې په امریکا کې زېږېدلي څو د پلرونو او مېندو قضیه یې معلومه شي.
ټرمپ تېره ورځ د وفادارۍ لوړې په مراسمو کې یو ځل بیا ټینګار وکړ چې میلونونه هغه کډوال به باسي چې په امریکا کې د پاتې کېدو قانوني اسناد نهلري خو د قانوني کډوالو د پروګرامونو په هکله یې څه ونه ویل.
همداراز د رویټرز راپور له مخې، په متحده ایالاتو کې د افغان کډوالو د بیا مېشت کېدو د یوې ادارې مسوولین وایي چې د ولسمشر ډونالډ ټرمپ حکومت یوې پرېکړې له امله د نږدې ۱۶۶۰ افغانانو د الوتکو پروازونه لغوه شوي چې امریکا ته د راتګ لپاره یې ټولې مرحلې بشپړې کړې وې.
د افغانانو د انتقال ایتلاف (AfghanEvac) مشر شان وانډیور تېره ورځ رویټرز خبري اژانس ته ویلي، هغوی چې پروازونه یې لغوه شوي یو شمېر یې د امریکا د پوځ د فعالو غړو د کورنیو غړي دي.
د ټرمپ راتلونکي حکومت یو چارواکي د نوم نه ښودلو په شرط ویلي چې نوی ولسمشر ښایي په یو اجرائیوي فرمان کې د څلورو میاشتو لپاره امریکا ته د کډوالو د راتګ پروګرامونه وځنډوي.
یو شمېرامریکایي چارواکو هم د رویټرز خبري اژانس ته د نوم نه ښودلو په شرط ویلي چې په دې کسانو کې چې پروازونه یې لغوه شوي، د هغو افغانانو واړه ماشومان هم شامل دي چې وار دمخه په امریکا کې مېشت دي.
سپینې ماڼۍ او د متحده ایالاتو د بهرنیو چارو وزارت چې د کډوالو پروګرامونه څاري، تراوسه یې د رویټرز خبري اژانس ته د دې موضوع په هکله د وضاحت لپاره
Views: 17
