نړۍوالو رسنیو راپور ورکړی چې د امریکا د کالیفورنیا په «پاسیفیک پالیسید» ځنګلونو کې د اورلګېدنې له امله ۳۰ زره کسان د خپلو کورونو پرېښودو ته اړ شوي دي.
رویټرز راپور ورکړی چې یاده اورلګېدنه د سهشنبې په ورځ (د مرغومي ۱۸مه) په ځايي وخت ۱۰ بجې او ۳۰ دقیقې د کالیفورنیا ایالت د لسانجلس په لوېدیځ کې رامنځته شوې ده.
د اورلګېدنې له امله په کالیفورنیا کې چارواکو بېړنی حالت اعلان کړی او د سیمې اوسېدونکو ته د اجباري وتلو امر شوی دی.
د راپور له مخې، د اورلګېدنې له امله ۳۰ زره کسان د خپلو کورونو پرېښودو ته اړ شوي دي.
ځايي چارواکو ویلي چې د یادې اورلګېدنې پراختیا نږدې یو زر او ۲۰۰ هکتار ځمکې ته رسېدلې ده.
یاده اورلګېدنه په داسې حال کې شوې چې وخت ناوخت د امریکا په بېلابېلو ایالتونو کې د طبیعي پېښو له امله اورلګېدنې رامنځته کېږي.
Views: 6
