د راپورونو له مخې، د ټولیز امنیت تړون سازمان (CSTO) د افغانستان د نظامي او سیاسي وضعیت په اړه د روسیې په پلازمېنه مسکو کې غونډه کړې ده.
پرون (پنج شنبه) قزاقستاني رسنیو راپور ورکړی چې دغه غونډه د افغانستان په چارو کې د قزاقستان د ځانګړي استازي تالګاټ کليیف په مشرۍ تر سره شوې ده.
د راپور له مخې، د دغې غونډې ګډونوالو د افغانستان د نظامي او سیاسي وضعیت په اړه خپل نظرونه شریک کړي دي.
په راپور کې راغلي چې په یاده ناسته کې د ملګرو ملتونو، د شانګهای سازمان، د ګډو ګټو د خپلواکو هېوادونو او نورو نړۍوالو بنسټونو استازو ګډون کړی و.
سرچینې لیکلي: «تالګاټ کلي یف د دې ناستې پایلې جمعبندي کړې او د قزاقستان جمهوریت ته یې چې په ۲۰۲۵ کال کې به د ټولیز امنیت تړون ریاست پر غاړه واخلي، د بریا هیله څرګنده کړه.»
دا په داسې حال کې ده چې پرون د ملګرو ملتونو امنیت شورا هم د افغانستان په اړه ناسته کړې وه.
Views: 11
