د ازادو سیالیو افغان ورزشکار ظفر محسن په «پياېفاېل» سازمان کې نن له خپل روسي سیال سره لوبه کوي.
د امریکا د ازادو سیالیو سازمان (PFL) د لوبو جدول خپور کړی چې په کې نن شنبې شپه (د تلې ۲۸مه) بېلابېلې سیالۍ ترسره کېږي چې یوه هم د افغان ورزشکار ظفر محسن او د حسین کادیماګومایوف ترمنځ لوبه ده.
دغه سیالۍ د سعودي عربستان په «ریاض» ښار کې ترسره کېږي.
د راپورونو له مخې، افغان لوبغاړي ظفر محسن چې په اروپا کې ژوند کوي، تر اوسه ۱۷ لوبې ترسره کړې چې له ډلې یې ۱۳ ګټلې او څلور یې بایللې دي.
دغه راز، روسيالاصله حسین کادیماګومایوف چې په سویس کې اوسېږي، بیا ۱۲ لوبې کړې چې ۱۱ یې ګټلې او یوازې یوه یې بایللې ده.
Views: 8
