کانګو کې چارواکي وايي، د دغه هېواد پلازمېنه کې له مرکزي زندان «ماکالا» څخه د تېښتې د هڅې پر مهال لږ تر لږه ۱۲۹ بندیان ووژل شول.
رویټرز راپور ورکړی چې یاده پېښه (یکشنبه، د وږي ۱۱مه) د دغه هېواد د پلازمېنه کینشاسا په «ماکالا» زندان کې شوې او نږدې ۵۹ کسان ټپیان شوي هم دي.
د «ماکالا» زندان یوه مسوول رویټرز ته تایید کړې چې هیڅ بندي پر تېښته نه دی بریالی شوی او هغو کسانو چې د تېښتې هڅه کوله، ټول ووژل شول.
مسوولینو ویلي، د کانګو دولت د دې پېښې د څېړلو په حال کې دی.
دا په داسې حال کې ده چې په کانګو کې د ناپایداره دولت له امله مخکې له دې هم دا ډول پېښې شوې دي؛ په ۲۰۱۷ کال کې څه باندې څلور زره زندانیان له یوې وسلهوالې نښتې وروسته له زندانه وتښتېدل.
Views: 7
