اتریش له جرمني وروسته دویم اروپايي هېواد دی چې وايي، هغه افغانان به بېرته افغانستان ته واستوي چې په هغه هېواد کې یې جرم کړی او محکوم شوي وي.
تېره جمعه جرمني ۲۸ هغه افغانان بېرته کابل ته واستول چې د دغه هېواد چارواکو ویلي وو، یادو کسانو جرمونه کړي او په سزا محکوم شوي وو.
اتریش له جرمني وروسته دویم اروپايي هېواد دی چې وايي، هغه افغانان به بېرته افغانستان ته واستوي چې په دغه هېواد کې یې کوم جرم کړی او محکوم شوي وي.
راپور کې راغلي، ویانا له برلین سره په ګډه کار کوي چې کابل ته د افغانانو استولو چاره په شریکه پرمخ یووړل شي.
د اتریش لومړي وزير کارل نیهامیر ویلي: «د کورنیو چارو وزیر له خورا اوږدې مودې راهیسې د جرمني د بهرنیو چارو له وزیر سره مذاکرات کوي چې افغانستان ته د کسانو استولو موضوع ته حل وموندل شي؛ ځکه اتریش هم افغانستان او سوریې ته کسان ډیپورټ کوي. اوس نو دویم ګام به دا وي، چې مخامخ افغانستان او سوریې ته کسان واستول شي.»
د یادونې ده، د اتریش کورنیو چارو وزیر ګیرهارډ کارنیر د جرمني پرېکړه ښه بللې ده.
د بښنې نړۍوال سازمان بیا له جرمني د ۲۸ افغانانو د اخراج په غبرګون کې ویلي وو چې دا کار له نړۍوالو قوانینو سرغړونه ده.
Views: 10
