د امریکا متحده ایالتونو په میسیسیپي ایالت کې د یوه بس موټر چپه کېدو پېښه کې اووه کسان مړه او لسګونه نور ټپيان شوي دي.
د امریکا غږ راپور له مخې، دغه مسافر وړونکی بس د تخنیکي ستونزې له امله له دې پېښې سره مخ شوی دی.
سرچینې لیکلي چې په پېښه کې شپږ سپرلي ځای پر ځای مړه شوي او یوه بل په روغتون کې ساه ورکړه.
په راپور کې راغلي چې د پېښې له ځایه ۳۷ ټپیان روغتون ته وړل شوي دي.
د بس اړوند شرکت مسوولینو ویلي چې له شلو کلونو راهیسې د متحده ایالتونو او مکسیکو ترمنځ د مسافرو د لېږد رالېږد تجربه لري، بسونه یې نوي دي او هره ورځ له تخنیکي اړخه چک کېږي.
Views: 1
